رەسەي دۋماسىنىڭ دەپۋتاتى جانە "بولشايا يگرا" باعدارلاماسىنىڭ جۇرگىزۋشىسى ۆياچەسلاۆ نيكونوۆ "پەرۆىي كانال" مەملەكەتتىك تەلەارناسىنىڭ ەفيرىندە "قازاقستان اۋماعى – رەسەي تاراپىنان جاسالعان سىي" دەپ مالىمدەدى. بۇل تۋرالى kaztag.kz سايتى حابارلادى.

– قازاقستان مۇلدە بولماعان، ال سولتۇستىك قازاقستاندا ادام تۇرماعان. ولار (قازاقتار - رەد.) بولدى، تەك وڭتۇستىك جاقتا. شىن مانىندە، قازاقستان اۋماعى – رەسەي جانە كەڭەس وداعى تاراپىنان جاسالعان ۇلكەن سىي. ورتاازيالىقتارعا قاتىستى دا كۇردەلى جاعدايلار كوپ، –  دەدى دەپۋتات.

رەسەي شەنەۋنىكتەرى تاراپىنان وسىعان ۇقساس مالىمدەمەلەر بۇعان دەيىن دە ايتىلعان. سولاردىڭ ىشىندەگى قوعامدا قىزۋ تالقىلارىنپ، قارسىلىق كوڭىل كۇيىن تۋدىرعان رەسەي پرەزيدەنتى ۆلاديمير ءپۋتيننىڭ ءسوزى. ول 2014 جىلى "قازاقتاردا مەملەكەتتىلىك بولماعان. ونى نۇرسۇلتان نازاربايەۆ قۇردى" دەگەن.